ბლოგების კონკურსის გამარჯვებულები გამოცხადდა !

Civics.ge-Civic Education Portal - სიახლეები

ანტინარკოტიკული კამპანია ქუთაისში

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს უფროსი ზაზა ჩუბინიძე, იმერეთის საექსპერტო-კრიმინალისტიკური სამსახურის უფროსი რამაზ გოგელია და სამინისტროს სხვა თანამშრომლები ანტინარკოტიკული კამპანიის ფარგლებში ქუთაისის 1-ლი საჯარო სკოლის მოსწავლეებს შეხვდნენ. შსს-ს წარმომადგენლებმა მე-9, მე-10 და მე-11 კლასის მოსწავლეებს ე.წ. ბიონარკოტიკის წინააღმდეგ დაწყებული კამპანია გააცნეს და მოსწავლეების კითხვებს უპასუხეს. შეხვედრას შსს-ს სამხარეო მთავარი სამმართველოს თანამშრომლებთან ერთად ქუთაისის მერი შოთა მურღულია და გუბერნატორი ზაზა მეფარიშვილი ესწრებოდნენ.შსს-ს წარმომადგენლებმა მოზარდებს კამპანიის ფარგლებში გადაღებული საინფორმაციო ვიდეორგოლები აჩვენეს, სადაც სხვადასხვა პროფილის ექიმები მოქალაქეებს ბიონარკოტიკის მიღებით გამოწვეულ საფრთხეებზე აწვდიან ინფორმაციას. მოსწავლეებთან შეხვერდაზე შსს-ს გადაუდებელი დახმარების ოპერატიული მართვის ცენტრ „112“-ის მიერ მომზადებული საინფორმაციო რგოლის ჩვენებაც მოეწყო. ვიდეორგოლის მეშვეობით სკოლის მოსწავლეებმა იმ პირველადი სიმპტომების შესახებ შეიტყვეს, რაც ე.წ. „ბიოს“ მოხმარებას ახასიათებს და აღნიშნული სიმპტომების შემთხვევაში, სასწრაფო დახმარების გამოძახების აუცილებლობაზე ინფორმაცია მიიღეს.შინაგან საქმეთა სამინისტრომ ანტინარკოტიკული კამპანია 24 მარტს დაიწყო. კამპანიის სლოგანია „ერთად შევცვალოთ დამოკიდებულება“, მიზანი კი ე.წ. ბიონარკოტიკის გამოყენების პრევენცია და საზოგადოების ინფორმირებაა. ანტინარკოტიკული კამპანიის ფარგლებში სკოლის მოსწავლეებთან შეხვედრები სხვა რეგიონებშიც გაიმართება.

STOP SMOKING AND STAY HEALTH

2014 წლის 28 მარტს, ქუთაისის ახალგაზრდულმა ცენტრმა Twinning პროგრამის ფარგლებში, თელავის, დმანისის და მარნეულის ახალგაზრდულ ცენტრებთან ერთად „საქართველო თამბაქოს გარეშე“ აღნიშნა. განხორციელებული აქტივობების მიზანს წარმოადგენდა თამბაქოსაგან თავისუფალი გარემოს მნიშვნელობაზე საზოგადოების ცნობიერების ამაღლება. ღონისძიებებში საერთო ჯამში 59 ახალგაზრდამ მიიღო მონაწილეობა,მათ შორი სამოქალაქო კლუბ „ფენიქსის“წევრებმა. სპეციალურად ამ დღისთვის მომზადდა პოსტერები და ბროშურები თამბაქოსგან გამოწვეული რისკების შესახებ. ქუთაისის ახალგაზრდული ცენტრის წევრებმა ქალაქის მასშტაბით მსვლელობა მოაწყვეს, რომლის მიზანს წარმოადგენდა მოსახლეობის ინფორმირება თამბაქოს მავნებლობის შესახებ და საზოგადოებრივი თავშეყრის ადგილებში თამბაქოს მოხმარების აკრძალვა. ახალგაზრდება საზოგადოებრივ ტრანსპორტში და საჯარო დაწესებულებებში თამბაქოს მოწევის ამკრძალავი ნიშნები გამოაკრეს.გაიმართა სემინარი თამბქოს მავნებლობაზე, რომლის მუშაობას უძღვებოდნენ ქუთაისის მერიის საზოგადოებრვი ჯანმრთელობის სამსახურის წარმომადგენლები მაია ნადარეიშვილი და მარინე ნუცუბიძე. მოწვეული ექსერტები ახალგაზრდებს ესაუბრა თამბაქოს მავნებლობაზე და მისგან გამოწვეულ დაავადებებზე, თამბაქოს კონტროლის ჩარჩო კონვენციის, საქართველოში თამბაქოს კვამლისაგან თავისუფალი საჯარო ადგილების არსებობის და შემუშავებული სამოქმედო გეგმების შესახებ. ღონისძიებები ორგანიზებულია „საქართველოში ეროვნული ინტეგრაციის გაძლიერების პროექტის“ (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.

სიძულვილის ენა

2014 წლის 26 მარტს ქუთაისის ახალგაზრდული ცენტრის წევრებისათვის ორგანიზება გაუკეთდა დისკუსიას თემაზე: „სიძულვილის ენა უნივერსიტეტში“, რომელსაც ცენტრის 32 წევრი ესწრებოდა. დისკუსიის მუშაობას უძღვებოდა სტუდენტური მულტიმედია ჯგუფი „რეაქტორის“ წარმომადგენელი ბექა გაბადაძე. შეხვედრის მიზანს წარმოადგენდა სიძულვილის ენის პრობლემებზე ინფორმაციის მიწოდება ახალგაზრდებისათვის.
ნაჩვენები იქნა დოკუმენტური ფილმი, რომლის გადაღების საფუძველი გახდა ბათუმის, ქუთაისისა და თბილისის უნივერსიტეტებში მომხდარი დისკრიმინაციული შემთხვევები. ფილმში ნაჩვენებია 2013 წელს ქუთაისის აკაკი წერეთლის სახელმწიფო უნივერსიტეტში ეთნიკური შეუწყნარებლობის ნიადაგზე, ნიგერიელი სტუდენტების ცემის ფაქტი, ასევე, თსეუ-ში სექსუალური დისკრიმინაციისა და ბათუმის სახელმწიფო უნივერსიტეტში იეჰოვას სამი მოწმის ფიზიკურად გასწორების ფაქტი.
ფილმის დასრულების შემდეგ გაიმართა დისკუსია სამართლებრივ რეგულაციებზე და საზოგადოების ინფორმირებულობის ამაღლებაზე აღნიშნულ საკითხთან მიმართებაში.
დისკუსია ორგანიზებული იქნა „საქართველოში ეროვნული ინტეგრაციის გაძლიერების პროექტის“ (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით.

წყლის საერთაშორისო ფესტივალი

 მოგეხსენებათ, რომ 22 მარტი არის წყლის დღე.ყოველწლიურად იმართება ფესტივალები განათლების და პედაგოგთა გადამზადების ცენტრის ინიციატივით. წელს ფესტივალს ქუთაისის  N1 საჯარო სკოლამ უმასპინძლა.მოსწავლეებმა წარმოადგინეს ნახატები, რომლის მთავარი თემაც რა თქმა უნდა წყალი იყო. აქტივობაში მონაწილეობა კლუბ "ფენიქსის" წევრებმაც მიიღეს.

"პროფესიული არჩევანი"- შეხვედრა ფსიქოლოგთან

ლიდერთა სახლის პროგრამის "პროფესიული არჩევნის" ფარგლებში შეხვედრა მოხდა ფსიქოლოგთან. გასაუბრებას 25 მოსწავლე დაესწრო,მათ შორის სამოქალაქო კლუბ "ფენიქსის" წარმომადგენლები. საინტერესო ბიოგრაფიის და ზოგადად ფსიქოლოგიის შესახებ საუბრის შემდეგ, დამსწრეებმა დასვეს შეკითხვები,რომლებზეც ამომწურავი პასუხი მიიღეს. შეხვედრა საკმაოდ საინტერესო გახლდათ, რისთვისაც მადლობას ვუხდით ლიდერთა სახლს.

ფილმის ჩვენება "ფორესტ გამპი"

ლიდერთა სახლის ინიციატივით შაბათს პირველ საათზე მოეწყო  საკმაოდ საინტერესო,ოსკაროსანი ფილმის "ფორესტ გამპის" ჩვენება და შემდეგ მისი გარჩევა.სულ 25 დამსწრე იყო და აქედან სამი სამოქალაქო კლუბ ფენიქსის წარმომადგენლები.უმრავლესობა ნასიამოვნები დარჩა და სოციალური ქსელიც აივსო სურათებით "run forest run "...

კონკურსი "არა ძალადობას" დაჯილდოება

ქუთაისის მაშტაბით განათლებისა და პედაგოგთა გადამზადების პროგრამის ინიციატივით მოეწყო კონკურსი " არა ძალადობას" სადაც მონაწილეებმა წარმოადგინეს : ვიდეო-რგოლები,ნახატები,ფოტოსურათები ძალადობასთან დაკავშირებით.საუკეთესო ფოტოსურათის ნომინაციაში საკმაოდ საინტერესო,ორიგინალური და კრეატიული ფოტოსურათით გაიმარჯვა N1 საჯარო სკოლის სამოქალაქო კლუბ "ფენიქსის" ლიდერმა ანა ჭეიშვილმა. სამოქალაქო კლუბის და სკოლის სახელით დიდი მადლობას ვუხდით და ვულოცავთ მას ასეთ წარმატებას.

ეს კი გამარჯვებული სურათი :

შეხვედრა ლევან ბერძენიშვილთან

2014 წლის 20 მარტს ქუთაისის ახალგაზრდული ცენტრის წევრებისათვის ორგანიზება გაუკეთდა საჯარო ლექციას თემაზე: „ტოლერანტობის კულტურის დანერგვა და ეთნიკური უმცირსობების მდგომარეობა ქართულ საზოგადოებაში“, რომელსაც საქართველოს პარლამენტის დეპუტატი ბ-ნი ლევან ბერძენიშვილი უძღვებოდა. შეხვედრაში ცენტრის 45 წევრი ღებულობდა მონაწილეობას,მათ შორის სამოქალაქო კლუბ "ფენიქსის" წარმომადგენლები.საჯარო ლექციის მიზანს წარმოადგენდა ახალგაზრდებს მიეღოთ ინფორმაცია ეთნიკური მრავალფეროვნების და სამოქალაქო ინტეგრაციის, ტოლერანტობის კულტურის დამკვიდრების, ეთნიკური უმცირესობების წინაშე მდგარი პრობლემების და სახელმწიფოს მიერ გატარებული პოლიტიკის შესახებ.

შეხვედრა შოთა მურღულიასთან

შეხვედრა მოსწავლეებთან ქუთაისის განათლების განვითარების და დასაქმების ცენტრი, სამოქალაქო განათლებისა და პედაგოგთა გადამზადების პროგრამის ფარგლებში ახორცილებს შეხვედრებს ცნობილ და წარმატებულ ადამიანებთან.დღეს რამდენიმე სკოლის მე-9 მე-10 მე-11 კლასის მოსწავლეები, სამოქალაქო კლუბის წევრები ,მათ შორის სამოქალაქო კლუბ ფენიქსის წარმომადგენელი ანა ჭეიშვილი  ქუთაისის მერის მოვალეობის შემსრულებელს, შოთა მურღულიას შეხვდნენ. შეხვედრა გაცნობითი ხასიათის იყო და კითხვა პასუხის ფორმატში წარიმართა. მოსწავლეებმა მოისმინეს ინფორმაცია ადგილობრივი თვითმმართველობის მუშაობის პრინციპების შესახებ. შეკითხვები ძირითადად განთლების სისტემის განვითარებაზე დაისვა. ,,განათლება საქართველოში და რა თქმა უნდა ქალაქში პრიორიტეტულია. ყველა ახალი პროექტი მიმართულია ახალგაზრდების განათლებისა და კეთილდღეობისთვის“ -განაცხადა შოთა მურღულიამ

ტრენინგი "ჯანსაღი ცხოვრების წესზე"

ქუთაისის აკ. წერეთლის სახელობის N1 საჯარო სკოლის სამოქალაქო კლუბ ფენიქსის წარმომადგენლებისათვის ამავე კლუბის ლიდერ ანა ჭეიშვილის ხელმძღვანელობით ჩატარდა ტრენინგი ჯანსაღი ცხოვრების წესზე.მოეწყო მოკლემეტრაჟიანი ფილმის ჩვენება,რომელიც ქუთაისის ახალგაზრდულმა ცენტრმა მოგვაწოდა.ტრენინგს 25 მოსწავლე დაესწრო,მათ აქტიური მონაწილეობა მიიღეს განხილვაში და ასევე დიდი იმედი მაქვს, რომ ბევრი ახალი რამ შემატეს მათ ცოდნას.

"ჯანსაღი ცხოვრების წესი"

2014 წლის 10 -11 მარტს, ორგანიზაციამ RTI „ჯანმრთელობის კვლევის კავშირმა“ სამოქალაქო განათლებისა და პედაგოგთა გადამზადების პროგრამის ფარგლებში იმერეთის რეგიონის სასკოლო სამოქალაქო კლუბების წევრებისათვის ჯანსაღი ცხოვრების წესის თემაზე ტრენინგი ჩაატარა ქუთაისის დემოკრატიული ჩართულობის ცენტრში, რომელსაც RTI-ს თანასწორგანმანათლებელთა ტრენერი მარი ბუძიაშვილი უძღვებოდა.

ტრენინგი ბიზნეს მეწარმეობაზე

ლიდერთა სახლის პროგრამის ფარგლებში ჩატარდა ტრენინგი ბიზნეს მეწარმოებაზე.დიანა ჯღარკავასა და თეონა გოგლიჩაძის ხელმძღვანელობით მოვლენები საკმაოდ სახალისოდ და საინტერესოდ განვითარდა.ტრენინგს 15 მოსწავლე ესწრებოდა,მათ შორის სამოქალაქო კლუბ "ფენიქსის" წარმომადგენლები.

"ბავშვთა უფლებების კონვენცია" N30

 

ვიდეო- რგოლი შექმნილია იმერეთის სასკოლო სამოქალაქო კლუბების ინიციატივით, ქუთაისის განათლების განვითარების და დასაქმების ცენტრის მხარდაჭერით სამოქალაქო განათლებისა და პედაგოგთა გადამზადების პროგრამის ფარგლებში.ვიდეო-რგოლში მონაწილეობას იღებს სამოქალაქო კლუბ "ფენიქსის" წარმომადგენლები. (პროგრამას ახორციელებს ამერიკულიორგანიზაცია PH International ამერიკის შეერთებული შტატების საერთაშორისოგანვითარების სააგენტოს USAID დაფინანსებით)